İzrail xastaxanädän mäyetlärne urlağan

İzrail ğaskärläre Ğazzädäge “Şifa” xastaxanäsennän qayber fälästinle mäyetlärne urlağannar.

”Şifa” xastaxanäse tabibı Mutez Xarara Törkiyä matbuğatına İzrail armiyäseneñ xastaxanägä basqını turında mäğ’lümat birde.

Xarara äytüençä, xastaxanägä bärep kergän İzrail ğaskärläre sälamätlek saqlaw xezmätkärlärenä höcüm itkännär, qayber awırularnı alıp kitkännär häm qayber mäyetlärne urlağannar.

İzrail armiyäse xastaxanädä êlektrnı özgän, anda mediśina cihazların qullanıp bulmıy.

Ğaskärlär bol’niśadan kitkänçe generatorlar häm mediśina cihazları bulğan büleklärne şartlatqannar.

Xastaxanädä êşläwçe tabib Mostafa Sekik İzrail ğaskärläreneñ xastaxanägä basqın waqıtında biredäge keşelärgä ber närsä êşlärgä röxsät itmäwen häm keşelärne aç qaldıruın äytä.