Äfğan qaçaqları illärenä qayta

Äfğanstandağı waqıtlıça xökümätneñ süzçese Zabihullah Mücahid kire qaytularnıñ däwam itüen äytep, soñğı aylarda kürşe illär Paqıstan häm İrannan illärenä qaytqan äfğannar sanınıñ yaqınça 500 meñ buluın belderde.

Berlӓşkӓn Millӓtlӓr Oyışmasınıñ Xalıqara Migraiya oyışması isä açıqlaw yasap, Paqıstannıñ qanunsız äfğan qaçaqların kire cibärü qararın qabul itkännän soñ Äfğanstanğa qaytuçılar sanınıñ 375 meñgä yaqınayuın citkerde.

Äfğanstanda Taliban xaqimiyätkä kilgännän soñ ike il arasında ayıruça qurqınıçsızlıq problemaları küzätelä.

Paqıstan xökümäte oktäbr’ ayı başlarında ildä qanunsız yäşäwçe häm sannarı 1 million 700 meñnän uzğan qaçaqlardan 1 noyabr’ğa qadär Paqıstannan kitülären sorağan ide.

Berlӓşkӓn Millӓtlӓr Oyışmasına kürä illärenä qaytuçılarnıñ 60%ın balalar täşkil itä.

Paqıstannan soñ İran da ildä qanunsız yäşäwçe äfğan qaçaqların kire cibärä başladı.