İranda reabilitaśiyä üzägendä çıqqan yanğında ülüçelär küp

İranda reabilitaśiyä üzägendä çıqqan yanğında 32 keşeneñ ğomere özelüe belderelä. Waqıyğa ilneñ tön’yağındağı Gilan töbägendä bula. Yanğında 16 keşe yaralanğan, 4seneñ xäle awır.

Yanğınnıñ narkotiklarğa bäylelärne reabilitaśiyäläw üzägendä cılıtqıçqa ut qabıp pärdälärgä ürmäläwennän başlanuı açıqlana.

Gilan gubernatorlığı beldergänçä, üzäktä tiyeşledän tağın da artığraq awıru totıluı häm yanğınnıñ irtänge yaqta başlanuı säbäple ülüçelär küp bula.

Gilan prokuraturası reabilitaśiyä üzägeneñ mödireneñ ğayebe buluı açıqlanuın häm qulğa alınuın citkerde.