Abdullahiyan - Xäniyyä söyläşüe

 İran tışqı êşlär ministrı Xösäyen Ämir Abdullahiyan Xamas säyäsi byurosı başlığı İsmail Xäniyyä belän telefonnan söyläşkän.

Abdullahiyan bu xaqta üzeneñ “X” sośial’ media akkauntında xäbär itä.

”Ğazzädäge häm Yordannıñ könbatış üzänlegendäge soñğı waqıyğalar xaqında fiker alıştıq” dip yazdı İran tışqı êşlär ministrı söyläşü turında.

Abdullahiyan belän Xäniyyä soñğı tapqır 31 nçe oktyabr’dä Katar başqalası Doxada oçraşqannar ide.

İskärtep uzabız: “Xamas”nıñ qorallı törkeme “İzz-ad-Din äl-Qassam” brigadaları 7nçe oktyabr’ irtäsendä İzrailneñ fälästinlelärgä häm “Äl-Aq’sa” mäçetennän başlap izge qıymmätlärenä qarata daimi xoquq bozularına qarşılıq kürsätü öçen külämle höcüm başladı.

 İzrail armiyäse dä Ğazzäne hawadan bombalarğa kereşte.

Kiyerenkelek arta, ike yaqta da meñlägän qorbannar bar.