AQŞ ilbaşı Yordaniya patşası belän telefonnan söyläşkän
Alar Ğazzädäge soñğı waqıyğalar turında süz alıp barğannar
Aq Yorttan yasalğan belderügä qarağanda, Amerika Quşma Ştatları ilbaşı Djo Bayden Yordaniya patşası Abdullah 2 nçe belän telefonnan söyläşkän.
Liderlar Ğazzädäge soñğı waqıyğalar turında süz alıp barğannar, Ğazzädä tınıç xalıqqa gumanitar yärdämne arttıru häm däwam itü, töp xezmätlärne yañadan başlatuğa qağılışlı urtaq yöklämälären citkergännär.
Alar Fälästin xalqınıñ Ğazzädän mäcbüri çığarılmawın täêmin itüneñ kritik ähämiyätkä iyä buluı mäs’äläsendä kileşkännär.
Bayden İzrailneñ watandaşların yaqlap terrorçılıq belän köräşkändä tınıç xalıqnı saqlarğa häm xalıqara gumanitar xoquqqa xörmät kürsätergä tiyeşlegen beldergän.
Djo Bayden regional’ totrıqlılıqnı yaqlawçı role öçen patşa Abdullahqa räxmät äytkän, kritik berlektäş dip atağan Yordaniyağa yaqlawların yañartqan.
