Qarabaxtağı qurqınıç yanğınnıñ qorbannarı arta
25nçe sentyabr'dä Xankände-Askeran yulı östendäge benzin saqlaw ob’yektında şartlaw häm yanğın buldı
2042724
Azärbaycannıñ Qarabax töbägendä Xankände-Askeran yulı östendäge benzin saqlaw ob’yektındağı şartlawdan soñ çıqqan yanğında ülüçelärneñ sanı torğan sayın arta.
Ärmänstannıñ räsmi xäbär agentlığı "Armenpress"nıñ Qarabaxtağı ärmän wäkilläre süzenä nigezlängän xäbärenä qarağanda, 25nçe sentyabr’dä bulğan waqıyğada ğomere özelüçelärneñ sanı 68gä citkän. Kriminal’ mediśina üzäge mäyetlärneñ 21eneñ şäxese açılqanuın belderde.
Yanğında zarar kürüe uylanıluçı 105 keşeneñ isä yazmışı äle haman bilgele tügel.
Xastaxanälärdä däwalanuçı 290 yaralanuçınıñ 168e Ärmänstannıñ mediśina üzäklärenä küçerelde.
Azärbaycan ğadättän tış xällär ministrlığı benzin saqlaw ob’yektında çıqqan yanğınnıñ azärbaycanlı törkemnär tarafınnan sünderelüen belderde.