İran ütkärgeçlärennän neft' sarqıy

İran yarlarındağı neft’ütkärgeçe sarqıtuın däwam itä.  Farsı qultığında Xarg utrawındağı älege xäl ber ay tiräse däwam itä häm Genave portına naçar täêsir itä.

İrannıñ räsmi xäbär agentlığı İRNA Genave äylänä-tirä moxitne saqlaw idaräsennän bu xaqta yasalğan yazmaça belderüne bastırdı.

“Xarg utrawına suzılğan ütkärgeçlärdän sarquçı neft’ Genave yarlarına kilde häm bernindi naçar xäl bulmasın öçen dingezgä kerü tıyıldı” diyelä anda.

Buşähr portlar häm diñgezçelek idaräse mödire Möxämmät Şakibi Nasab 22nçe sentyabr’dä yasağan belderüendä neft’ sarqıtuçı ütkärgeçne yabunıñ awır prośess buluın äytkän ide. Ul aqqan neft’ne çistartu êşçänlegeneñ küp waqıt aluçı häm alcıtuçı xälgä äwrelüen belderde.

Töbäktä uzğan yıl da sarqu bulğan ide. Moña İrannıñ neft’ütkärgeçläreneñ iske buluın säbäp itep kürsätälär.