Marokkoda 50 meñ yort cimerelgän

Marokkoda bulğan häm 2 meñ 946 keşeneñ ğomeren özgän 7 ball zurlığındağı cir teträwdä yaqınça 50 meñ yort tulısınça yäisä öleşçä cimerelde.

Zıyan kürüçelärneñ toraq ixtiyacların qanäğat’länderü häm kiräkle yärdäm belän täêmin itügä qağılışlı aşığıç xäl programmasın aktivlaştıru öçen patşa 6nçı Möxämmät citäkçelegendä maxsus utırış uzdı.

Cir teträwdän zıyan kürgän ğailälärgä däwlätneñ 30 meñ dirxam (yaqınça 3 meñ dollar) külämendä aşığıç yärdäm biräçäge citkerelde. Monnan tış, tulısınça cimerelgän öylär öçen 140 meñ dirxam (yaqınça 14 meñ dollar), öleşçä cimerelgännärenä – 80 meñ dirxam (yaqınça 8 meñ dollar) turıdan-turı finans yärdäm täêmin iteläçäk.

İsegezgä töşeräbez: Marokkoda 8nçe sentyabr’dä cirle waqıt belän säğat’ 23 tulıp 10 minutta Marakeş şähäreneñ Äl-Xuz töbägendä 7 ball zuqlığında cir teträw buldı. Zilzilä başqala Rabat, Kasablanka, Meknes, Agadir häm Fes şähärlärenä dä täêsir itte.

Marokko êçke êşlär ministrlığı, soñğı mäğ’lümatlarğa qarağanda, ülüçelärneñ 2 meñ 946, yaralanuçılarnıñ isä 5 meñ 674 buluın xäbär itte.