İtaliyada çiktän tış êsse

İtaliyada yuğarı temperatura arqasında birelgän “qızıl töstäge xäwef (xәвeф) signalı” xäle bügen 23 şähärdä kertelde. Sälamätlek saqlaw ministrlığı kiçä anı Ankona, Bolon’ya, Bol’śano, Breşia, Kal’yari, Kampobasso, Florenśiyä (Флоренция), Frozinone, Latina, Messina, Palermo, Perudja, Peskara, Rieti, Rim, Triest, Viterbo, Neapol’, Veneśiyä, Veronağa bügen Kataniya, Çivitavekk’ya häm Turin östälüen citkerde.

Şulay itep ildäge 27 zur şähärneñ 23endä çiktän tış êsse hawa säbäple kisätü yasaldı.

“İl Meteo” säxifäse urtaqlaşqan meteorologiyä mäğ’lümatlarında kiçä kön däwamında (дәвамында) hawa temperaturasınıñ urını belän rekord däräcägä citüe häm Siśiliyada (Сицилиядa) qayber noqtalarda 46-47, Sardiniyada da 45-46 gradus terkälüe citkerelä.

Başqala Rimda temperatura kiçä 41 belän 45 gradus arasında üzgärä. Tarixi şähärne kürergä kilgän turistlar êsselek arqasında awır mizgellär kiçerä. Qalanıñ qayber urınnarında xälsezlängän keşelärgä tiz yärdäm itä alu öçen mediśina (медицина) punktları oyıştırıldı.

İl külämendä çiktän tış êsseleklär säbäple kondiśioner (кондиционер), cillätkeç şikelle cihazlarnı qullanu kübäyü näticäsendä êlektr ênergiyäsen sarıf itü dä arta.

İtaliya matbuğatındağı xäbärlärgä qarağanda, çiktän tış êsseleklär säbäple şähär üzäklärendä tıçqan şikelle kimerüçe xaywannarnıñ da sanı artırğa mömkin.