Qıtayda 1961nçe yıldan birle kürelmägän êsselek
Monnan bigräk tä Qıtaynıñ tön’yağında yäşäwçe 200 millionnan artıq keşe zıyan kürä
Qıtay 1961nçe yıldan birle iñ êsse könnärne kiçerä.
CNNnıñ xäbärenä qarağanda, ildä soñğı 6 ayda rekord däräcädä yuğarı temperatura terkälä.
Milli klimat üzäge yasağan belderüdä Qıtayda bıyıl, monnan aldağı yıllar belän çağıştırğanda, tağın da täêsirle 4 êsse hawa dulqını buluı äytelä. İl urtaça 35 gradus belän 1961nçe yıldan birle kürelmägän êsseleklär kiçerde. Kayber könnärdä temperatura 40 gradustan artıp kitä. Monnan bigräk tä Qıtaynıñ tön’yağında yäşäwçe 200 millionnan artıq keşe zıyan kürä.
Qıtay meteorologiyä idaräse citäkçese Kou Bin çiktän tış yuğarı temperaturanıñ Êl’-Nin’yo dip ataluçı tabiğat’ küreneşläre belän bäyle buluın häm şul säbäple ilneñ kön’yağında cäyge aylarda yawım-töşem artu, tön’yaqta isä qorılıq kzätelüen citkerde.
Qıtaynıñ tön’yağında êsseleklärneñ tağın da artuı kötelä.
İlneñ kön’yaq-könbatışında “soñğı 50 yılnıñ iñ zur su basu hälakäte” dip atalğan afät arqasında 10 meñ keşe yäşägän cirlärennän küçende. Anda yaqınça 70 öy cimerelde. Berençe mäğ’lümatlarğa qarağanda, zıyan kimendä 79 million dollar bularaq farazlana. Afättä älegä qadär ülem-kitem terkälmäde.
