Franśiyädä kiyerenkelek kimemi

 Franśiyädä 27 nçe iyün’dä çığışı belän Aljirdan bulğan 17 yäş’lek Naelneñ poliśiya pulyası belän üterelüennän soñ başlanğan kiyerenkelek kimemi.

5 kön däwam itkän protestlarda Franśiya poliśiyäse şaqtıy şähärdä, şul isäptän başqala Parijda, talaw oçraqlarına qarşı qurqınıçsızlıq çaraların arttırğan. Parijdağı tanılğan Şanz-Êlize uramı êvakuaśiyälängän.

Kiçä köne buyı barğan bäreleşlär tönlä dä däwam itkän.

 Rizasızlıq belderü çaraları waqıtında küp sanda maşina yandırılğan.

Waqıyğalarnı bastıru öçen 45 meñ poliśiya häm jandarmeriya xezmätkäre köräşä.

Kiçä Franśiya prem’yer-ministrı Êlizabet Born Parijda oyışqan krizis üzägendä bulğan.

Tönlä tağın 300 dän artıq protestçını qulğa alğannar, şulay itep qulğa alınğannar sanı 2 meñnän artqan.

Franśiya xakimiyäte protestlarnı tuqtatu öçen yaña çaralarnı ğamälgä kertergä äzerlänä.

Franśiya ğadälät ministrı Êrik Dyupond - Moretti protestta qatnaşqan 17 yäş’kä qadärge balalarnıñ äti - äniläreneñ cawaplı bula alaçağın  häm 2 yıl törmägä xökem itü belän 30 meñ yevroğa qadär ştraf salınırğa mömkinlegen iskärtkän.

Rizasızlıq belderü çaralarında xäzergä çaqlı 1 meñ 300 dän artıq maşina yandırılğan, 230 dan artıq binağa ut törtelgän.

Kim digändä 30 poliśiya bülekçäse häm 11 jandarmeriya bülekçäsenä höcüm itkännär.

Cämäğat’ urınnarında 2 meñ 560 punkt yandırılğan.

Franśiyädäge waqıyğalarnı kontrol’ astına alu öçen ğadättän tış xälne dä kertep bik küp variantlar qarala.

İldä tönlä komendant säğate kertelgän şähärlär sanı 10 ğa citkän.

Poliśiya tarafınnan üterelgän yäş’üsmer öçen Nanterre şähärendä cenaza çarası oyıştırılğan.

İsegezgä töşeräbez: 27 nçe iyün’ könne Nanterre şähärendä êçendä 3 keşe bulğan maşinağa “tuqta” kisätüen ütämägän öçen poliśiya ut açqan häm 17 yäşendäge yörtüçene ütergän ide. Waqıyğa belän bäyle tikşerü başlandı, yörtüçe Naelneñ ülemenä reakśiya beldergän keşelär il külämendä uramnarğa çıqtılar häm poliśiya belän bäreleştelär.