Kanadanıñ urman yanğınnarı belän köräşe däwam itä

Kanadada may ayı başınnan birle tuqtamawçı urman yanğınnarın sünderü êşçänleklärenä törle illärdän 1470tän artıq yanğın sünderüçe yärdäm itä. Meksika, Portugaliya, Avstraliya, Yaña Zelandiya, Çili, Kosta-Rika, İspaniya, Kön’yaq Afrika häm Amerika Quşma Ştatlarınnan kilgän berleklärne Ontario, Kvebek, Britaniya Kolumbiyäse häm Alberta töbäklärenä urnaştırdılar.

Kanadada moña qadär 80 meñ kvadrat kilometr urman mäydanı yanıp kölgä äwerelde. İldäge yanğınnar AQŞqa da täêsir itä. Quyı tötennän Amerikadağı 120 million keşeneñ zıyan kürüe, il xalqınıñ zur öleşeneñ naçar hawa sıyfatına duçar buluı belderelä. Bigräk tä, Çikago, Klivlend, Detroyt häm İndianapolis megapolislarına töten niq täêsir itä.