Hindstanda 166 keşe êsseleklär arqasında ülgän

Hindstanda soñğı könnärdä xakimlek itüçe êsse hawa dulqını arqasında ğomere özelüçelärneñ sanı 166ğa citüe belderelde.

Wäqalätlelär citkergänçä, xäzergä qadär Uttar Pradeş töbägendä -119, Bixarda – 47 keşe çiktän tış yuğarı temperatura säbäple wafat bulğan.

Uttar Pradeş töbägeneñ Ballia şähärendä êsselektän xäle naçarayıp xastaxanägä kiterelgän keşelärne urın bulmaw arqasında qabul itmilär. Anıñ morgı da tuğlan, şuña kürä ülelärne yaqınnarı öylärenä alıp kitärgä mäcbür.

Uttar Pradeş töbäge xökümäte räise Yogi Adityanatx kondiśioner häm suıtuçılarnıñ problemasız êşläwe öçen ênergiyäneñ özleksez kilüen täêmin itüçe çaralar kürelüen belderde. Ul watandaşlarnı êlektr ênergiyäsen israf itmäskä çaqırdı.

Hindstan meteorologiyä oyışması belgeçe Atul Kumar Singx  +43,5 gradustan da töşmäwçe êsseleklär nisbätennän belderü yasap, bu mäs’älädä wäqalätlelärne monnan alda kisätülären citkerde.

Bixar töbäge başqalası Patnadağı barlıq mäktäplär 24nçe iyün’gä qadär yabılğan.