Bıyıldan başlap rekord êsseleklär küreläçäk

BMOğa bäyle Bötendön’ya meteorologiyä oyışması 2023nçe-2027nçe yıllarda dön’ya külämendä rekord däräcädä êsseleklär kürelergä mömkin buluın citkerde. Belgeçlär äzerlägän xisapta hawağa çığuçı gazlar häm Êl’-Nin’yo dip ataluçı küreneşneñ temperaturanı tağın da kütäräçäge äytelä. Anda 98% tögällek belän 2023tän 2027gä qadär yıllarnıñ kimendä berseneñ in êsse häm 5 yılnıñ tulayım global’ hawa temperaturası rekord däräcägä citkän çor bulaçağı belderelde.

Xisapta êsseleklärneñ dön’yanıñ törle regionnarında yañğırlarğa yoğıntı yasayaçağı da citkerelä. Qayber urınnarda ul artaçaq, ikençelärendä – kimiyäçäk. Belgeçlär hawağa çıqqan gazlarnıñ da okeannarnıñ cılınuı häm kislotalaşuı, bozlıqlarnıñ êrüe, diñgez suınıñ kütärelüe häm tabiğıy afätlärneñ yışayuına kiteräçäge turında kisätä.

Xisapta Bötendön’ya meteorologiyä oyışması ğomum särqatibe Petteri Taalasnıñ belderülärenä dä urın birelä. Ul rekord êsseleklärneñ sälamätlek, azıq-tölek iminlege, su täêminatı häm êkologiyägä kiñ külämle yoğıntısı bulaçağın söyli. Taalas bu näticälärgä äzer bulu mäs’äläsendä kisätte.