Kanadadan AQŞqa xätle qara töten
AQŞ hawa sıyfatın kisätü waqıtın ozayttı
Bu küreneş fäläqat fil’mınnan säxnälär kebek kürenergä mömkin. Läkin N’yu-Yorkta wazğıyät xäzerge waqıtta şuşı räweşle. Töten qatlamı ştatnıñ zur öleşen qaplağan häm tomanlı kük yöze manzarası Könçığış yar buyınça Kön’yaq Karolinağa qadär cäyılgän.
Bu wazğıyättän kim digändä yöz million amerikalınıñ täêsirlänüe äytelä. Räsmilär isä xalıqqa mömkin xätle yabıq urınnarda qalırğa kiñäş itä.
Kathy Hochul, N’yu-York gubernatorı:
“N95 bitlegeneñ keşelärneñ saqlanuı häm üpkälärenä hawadağı kisäkçeklärneñ kerüen totqarlawı öçen möhim ısul buluına ışanabız. Şuña kürä 1 million danä N95 bitlegeneñ däwlätkä bäyle oyışmalardan täêmin itelä alınuın biredän iğ’lan itäm.”
Amerikanıñ başqalasında ağulawçan toman şähärne qapladı. Räsmilär isä pänceşämbe köne öçen ikençe iñ yuğarı hawa sıyfatı kisätüen yasadı.
AQŞ İlbaşı Djo Bayden Kanada Baş ministrı Castin Trüdo belän ütkärgän telefon söyläşüendä Kanadada törle urınnarda däwam itüçe 350 yanğın arqasındağı şuşı rekord däräcädäge pıçranu belän köräş öçen AQŞnıñ kürsätkän yärdämeneñ kübäytelep däwam iteläçägen äytte.
“Bu mäs’älä turında söyläşkän çaqta da xätta küz yäş’läremne tota almıym”
Yanğınnar kitergän kiñ qolaçlı zıyan Yaña Şotlandiyadan Britaniya Kolumbiyasına qadärge mäydanda kürenä alına.
Trüdo monıñ klimat krizisı belän bäyle buluın äytte.
Castin Trüdo, Kanada Baş ministrı:
“Pandemiya barışında bulmasın, mäktäpkä yañadan adaptaśiya yulı belän bulmasın, yäisä xäzerge waqıtta härkemne borçığan häm tışta uyın uynawların totqarlağan yanğınnarnı beterü yulı belän bulmasın. Balalarıbızğa imin räweştä uynarğa däwam itüläre, öydäge êşlärgä yärdäm itüläre häm ğailälärenä şuşı qurqınıç waqıtta yärdäm itüläre öçen räxmät belderäm.”
Yäkşämbe kiçenä qadär töten taralır, dip kötelmi.
Yasminä Äl-Sabawi, “TRT World”, Waşington
