Atnada 4 kön êşläw populyarlaşa
Awrupada, bigräk tä, koronavirus kizüennän soñ atnada 4 kön êşläw kön üzägenä kilde
Portugaliyada sulçı xökümät atnada 4 kön êşläwne küzallawçı pilot proyektnıñ 100läp şirkättä ğamälgä aşırıla başlawın belderde.
Xezmät, sośial’ iminlek häm yärdämläşü ministrı Ana Mendes Godin’yo äytüençä, älege täcribä êşläwçelärneñ xezmät xaqlarına yoğıntı yasamayaçaq.
Pilot proyektta qatnaşuçı şirkätlär atnada 4 kön êşläwne başlağançı, başlağaç häm şunnan soñ citeşterüçänlek, çığımnar, xezmätkärlärneñ iminlege şikelle mäs’älälärdäge kürsätkeçlärne ministrlıqqa citkerü öçen xisap äzerläyäçäk.
Awrupada, bigräk tä, koronavirus kizüennän soñ atnada 4 kön êşläw kön üzägenä kilde. Proyektnı berençe bulıp noyabr’dä tormışqa aşıra başlawçılardan berse – Bel’giyä ide.
Şveśiyä häm Finlyandiyä şikelle qayber tön’yaq Awrupa däwlätläre dä anı sınap qarıy. İspaniyä bıyıl başında 41 industrial’ şirkättä atnada 4 kön êşläwne täcribä yasap qaraw öçen kertte.
