Bala töşerü tıyıla
AQŞta qayber ştatlar ber-ber artlı abort yasawnı çikli başladı
1989728
Amerika Quşma Ştatlarınıñ Nebraska ştatında yöklelekneñ 12nçe atnasınnan başlap bala töşerüne tıyuçı qanun ölgese qabul itelde. Cömhüriyätçe gubernator uzğan atnada ştat parlamentında raslanğan dokumentnı imzaladı.
Qanun proyektında, monnan tış, 19 yäş’tän keçelärneñ cenes üzgärtü operaśiyäse yasatuları häm monıñ öçen gormonnar qullanuına çik quyıla.
Qanun üz köçenä oktyabr’dä keräçäk.
Gubernator Pillen bu könneñ Nebraska ştatı öçen tarixi kön buluın belderde häm bäbäylärne saqlawnı küz uñında totuçı älege dokumentnıñ konservatorlar öçen ähämiyätle ciñü ikänen dä äytte.
Soñğı çorda, bigräk tä, cömhüriyätçelär östenlektä bulğan qayber ştatlarda abortnıñ çiklänüe öçen adımnar yasala häm bala töşerüçe preparatlarnı satıp alu qıyınlaştırıla.
