Kongoda bäreleşlärdä ülüçelär sanı

Kongo demokratik cömhüriyäteneñ könçığışında iminlek köçläre belän ğıys’yançı törkemnär arasında däwam itüçe bäreleşlärdä soñğı 2 ayda 530 ğayepsez keşeneñ ğomere özelde.

Kongodağı Berläşkän Millätlär Oyışması Totrıqlılıq missiyaseneñ Ituridağı ofis mödire Mark Karna beldergänçä ilneñ könçığışındağı Ituri provinŝiyasendä ğıys’yançı törkemnär soñğı waqıtta höcümnären arttırdı.

Karna äytüençä soñğı 2 ayda Ituridağı höcümnärdä 530 grajdan ülde, kim digändä 1 million keşe yortsız qaldı.

İlneñ könçığışındağı ğıys’yançı törkemnärneñ höcümnärendä 2014 yıldan bügengä qadär meñnärçä ğasyepsez keşeneñ ülüe farazlana.

Kongo demokratik cömhüriyäteneñ Ruanda, Uganda häm Burundi çige urın alğan könçığışta 20 yıldan artıq däwam itüçe altın häm kobal’t kebek yatmalarnıñ kontrolen täêmin itärgä tırışuçı törkemnärneñ höcüm häm bäreleşläre küzätelä.