Türkiyädä saylawlarda qatnaşu däräcäse Awrupağa qarağanda yuğarıraq
14 nçe mayda Türkiyädä uzğan ilbaşı häm parlament saylawlarında qatnaşu küläme yaqınça 90% ide
Türkiyä saylawda yuğarı däräcädä qatnaşu belän üzeneñ säyäsi iradäsen kürsätte.
Saylawlarda qatnaşu däräcäse Türkiyädä arta bara, ä Awrupada kimi.
14 nçe mayda Türkiyädä uzğan ilbaşı häm parlament saylawlarında qatnaşu 90%qa yaqınlaştı.
Awrupada saylawlarda qatnaşu däräcäse urtaça 65% tiräse.
2022 nçe yılnıñ sentyabrendä İtaliyädä uzğan ğomum saylawlarda qatnaşu däräcäse 63% täşkil itte.
2022 nçe yılnıñ iyünendä Franśiyädä parlament saylawları ütte. 48 millionnan artıq saylawçı bulğan ildä berençe turda qatnaşu küläme barı tik 48% ğına ide.
Germaniyädä 2021 nçe yılnıñ 26 nçı sentyabrendä uzğan saylawlarda qatnaşu däräcäse 76% bularaq terkälde.
Ağımdağı yılnıñ aprelendä Bolgariyadağı ğomum saylawda qatnaşuçılar 40% buldı.
2022 nçe yılnıñ ğıynwarında Portugaliyädä ütkän waqıtınnan êlek ğomum saylawlarda qatnaşuçılar sanı 57% bulğan bulsa, 2022 nçe yılnıñ martında Niderlandtağı cirle saylawlarda qatnaşu däräcäse 50,5% belän kötelgännän küpkä tübän ide.