Bosniya-Gerŝegovinada su basu afäte
Bosniya-Gerŝegovina häm Xorvatiyadä köçle yawım-töşemnär su basu afätenä kiterde
1986980
Bosniya-Gerŝegovina Federaŝiyaseneñ Grajdannarnı saqlaw departamentınnan yasalğan açıqlawğa kürä ilneñ tön’yaq-könbatışındağı Krajina töbägendä kiçä kiç belän başlanğan yawım-töşem arqasında qayber öy häm êş urınnarın su bastı, Una häm Sana yılğalarındağı su däräcäse kritik däräcägä citte.
Açıqlawdan kürengänçä Kulen Vakuf töbägendä şaqtıy öy su astında qalğan, ilneñ qalğan töbäklärenä dä su basu qurqınıçı yanıy.
Bosniya-Gerŝegovina Federaŝiyaseneñ Meteorologiya İnstitutı yawım-töşemnärneñ ildä pänceşämbegä qadär däwam itäçäge turında kisätte.
Sanski-Most şähäre su basu afätennän soñ tabiğıy afät töbäge bulıp iğlan itelde.
Xorvatiyadä köçle yawım-töşem Zadar töbägenä zıyan saldı, şähärdäge yullarnıñ kübese su astında qaldı.