Su basu qorbannarınıñ sanı arta

Kongo demokratik cömhüriyäteneñ Kön’yaq Kivu provinśiyäsendä köçle yañğır kiterep çığarğan su basu fäläkätendä ğomerlären yuğaltqan keşelar sanı 438gä citkän.

Xökümät süzçese Patrik Muya äytüençä, uzğan atnada provinśiyäneñ Buşuşu häm Nyamukubi awıllarında bulğan su basudan soñ tağın 26 keşeneñ mäyete tabılğan, şulay itep tabiği afättä ülüçelär sanı 438 bulğan.

Muya su basuda yuğalğan keşelär turında älegä räsmi san yuqlığın belderä, ictimağiy oyışmalar isä 4 meñnän artıq keşeneñ xäbärsez yuğaluın citkerä.

Uzğan atnada töbäktä küzätelgän köçle yañğırlar Çibira yılğasınıñ taşuına kiterde.

Tropik klimat zonasında urnaşqan Kongoda yawım-töşemnär däwerendä yış qına tabiği afätlär bula.