Klimat üzgäreşe arqasında ülemnär
Somali yarımutrawındağı qorılıq häm açlıqqa parnik gazları ğayeple
Somali yarımutrawında qorılıq yaqınça 4 million 350 meñ keşene gumanitar yärdämgä moxtac xälgä kiterde.
“Dön’ya hawa torışı atributikası” dip ataluçı klimat tikşerenü oyışmasına bäyle xalıqara belgeçlärdän toruçı ber törkem parnik gazınıñ Somali yarımutrawındağı qorılıqnı kimendä 100 tapqır arttıruın açıqladı. Alar bastırğan analizdan kürengänçä, Êfiopiya, Keniya häm Somali 2020nçe yılnıñ oktyabrennän birle ber-ber artlı 5 “uñışsız” yañğır çorı kiçerde.
Yarımutrawda yaqınça 4 million 350 meñ keşeneñ qorılıq arqasında citdi räweştä gumanitar yärdämgä moxtac xälgä kilüe belderelä. Belgeçlär uzğan yıl Somalida 43 meñ keşeneñ şul säbäplär arqasında ğomere özelüen citkerä. Ütkärelgän tikşerenülär klimat üzgäreşe bulmasa, mondıy wäzğıyät’neñ kilep çıqmayaçağın kürsätkän.
