Kanadada köçle dawıl çıqqan

Kanadanıñ Kvebek häm Ontario provinŝiyalärendä küzätelgän köçle dawılda 2 keşeneñ ğomere özelde.

Kvebek prem’yer-ministrı Fransua Lego cimerelgän ağaç astında qalğan ber keşeneñ ülüen açıqladı.

Ontarioda da qupqan ağaç botaqları astında qalğan ber keşe yaqtı dön’yadan kitkän.

Kvebek häm Ontario provinŝiyalärendä kürelgän dawıl arqasında 1 millionnan artıq keşe utsız qaldı.

“Hydro Quebec” êlektr şirkäte tarafınnan yasalğan açıqlawğa kürä êlektr problemasın irtägä kiçkä qadär çişü östendä êşlilär.

Kanada prem’yer-ministrı Djastin Trudo isä kiräkle çaqta Kvebek häm Ontarioğa federal’ yärdämneñ kürsätelä alınaçağın äytep: “Bu – bik awır waqıtlar. Utlar bette, ağaçlar cimerelde, binalar häm maşinalar zıyan kürde. Qızğanı, bötenese dä borçu uyata. Qupqan bu matur ağaçlar häm ğomere özelüçelärne küräsez. Bu küp ğailä öçen iñ awır Pasxa atnası bulaçaq,” – dide.

Kanadanıñ meteorologiya xezmäte köçle dawıl turında kisätep, tizlege sägätenä 90 çaqrımğa citkän köçle cil, ping-pong tubı zurlığında bozlar häm yäşenneñ küzätelä alınaçağın beldergän ide.