Tunista yuğalğan qaçaqlar
Andıylarnıñ sanı soñğı 3 ayda 132 bulğan
Tunista soñğı 3 ayda Äwrupağa kitärgä mataşqanda köymäläre qaplanğan yözlägän tärtipsez migranttan 132 se yuğalğan.
Bu xaqta Tunis iq’tisadi häm sośial’ xoquqlar forumınıñ Tunistağı qanunsız migraśiya kereşüläre turındağı xisabında citkerelä.
Xisapta äytelgänçä, 2023 nçe yılnıñ berençe 3 ayında 132 qaçaq yuğalğan, 1 meñ 771 tärtipsez möhacir, şul isäptän 348 bala häm 121 xatın -qız, köymälär belän İtaliyägä kilep citkän.
Xisap bilgeläp ütkänçä, İtaliyägä kilgän qanunsız qaçaqlarnıñ küpçelege Tropik Afrika illärennän.
Qurqınıçsızlıq köçläre operaśiyäläre näticäsendä totqarlanğan tärtipsez migraśiya omtılışlarında 14 meñ 82 keşe qulğa alınğan.
Xisapta bıyıl qanunsız migraśiya omtılışlarınıñ uzğan yıllar belän çağıştırğanda ike tapqır artuına basım yasala.
