Soŝial’ çeltär akkauntı öçen ata-analardan röxsät
Bu şartnı AQŞnıñ Yuta ştatı quydı
Amerika Quşma Ştatlarında Yuta ştatı baliğ bulmağannarğa soŝial’ säxifälärne qullanırğa röxsät birelgänçe başta soŝial’ säxifä şirkätläreneñ ata-analardan röxsät alunı şart itep quyğan berençe ştat buldı.
Yuta gubernatorı Spenser Kokx tarafınnan imzalanğan qanun balalarnı onlayn qurqınıçlardan saqlawnı maqsat itä.
Koks: “Soŝial’ çeltär şirkätläreneñ yäş’lärebezneñ ruxi sälamätlegenä zıyan kiterüenä monnan soñ röxsät birmäyäçäkbez,” – dide.
Qanun qısalarında soŝial’ säxifä şirkätläreneñ ştattağı qullanuçılarnıñ akkaunt açu öçen 18 yäş’tä yäisä zurraq buluın raslawı mäcbüri.
Şulay uq şirkätlärneñ soŝial’ çeltärlärdä baliğ bulmawçılarda bäyle qaluğa kiterä aluçı dizayn qullanuı tıyıla.
Bu oçraqta 250 meñ dollar häm här bala öçen 2500 dollarlık aqçalata cäza bar.