3 şaxtada şartlaw

Kolumbiyäneñ Kundinamarka idarä töbägendä 3 kümer şaxtasında bulğan şartlawlarda, berençel mäğ’lümatlarğa qarağanda, 11 şaxtaçınıñ ğomere özelde. Yuqqa çıqqan 10 êşçene êzlilär.

Älege waqıyğalar Sutatausa şähärçege yanında bula.

Kolumbiyä ilbaşı Gustavo Petro sośial’ media akkauntı aşa yasağan belderüendä: “Çığa almıyça qalğan şaxtaçılarnı qotqaru öçen gubernatorlıq belän bergä barlıq kiräkle tırışlıqlarnı quyabız” dide.

İldä legal’ bulmağan räweştä êşlätelüçe şaxtalarada qurqınıçsızlıq çaralarınıñ citmäwe häm kontrol’sezlek säbäple bik küp hälakätlär bula häm şaqtıyı keşe ülemnäre belän tögällänä.

Kolumbiyädä 2010nçı yılda ber kümer şaxtasında bulğan şartlawda 73 keşe ülgän ide. Ul il tarixındağı iñ faciğale hälakät bularaq terkälde.