Olı keşegä ut törtkän höcümçene êzlilär

Angliya poliŝiyase uzğan ayda Londonnıñ könbatışındağı ber mäçet yanında 82 yäş’lek keşegä ut törtkän ğayeplänüçene êzli.

London poliŝiyase açıqlawına kürä waqıyğa 27 fevral’ könne kiçke sägät’lärdä barlıqqa kilde.

Höcümçe benzin buluı uylanılğan sıyıqlıqnı olı yäş’täge keşe östenä tügep, zajigalkanı yandırdı.

Poliŝiya höcümçeneñ räsemnären urtaqlaşıp, êzläw êşläre öçen yärdäm taläp itte.

Detektivlar beldergänçä höcümnän alda höcümçe häm qorban Könbatış Londondağı İslam üzägennän çığa häm yaqınça 5 minut tiräse söyläşä.

Äñgämädän soñ höcümçe 82 yäş’lek keşegä ut törtä.

Olı keşeneñ yöze häm qulları citdi däräcädä yana häm xastaxanägä salına.

Detektiv serjant Stiv Konstabl ğayeplänüçene tanuçı härkemne poliŝiyağa möräcäğat’ itärgä çaqırdı.