Nepalda tawlarğa yalğız menü tıyıldı
Bu xaqtağı qarar 1 nçe aprel’dän üz köçenä kerä
Nepalda 5 yıl êlek kertelgän Êverest tawına yalğız menüne tıyunı ilneñ barlıq tawlarında tormışqa aşıru qararı qabul itelgän.
Älege qarar nigezendä däwlät tarafınnan liśenziya birelgän êkskursovod yäisä törkem belän tawlarğa menärgä mömkin.
Nepal turizm şurası direktorı Mani R. Lamiçxan “Yalğız säyäxät itüçelärgä ğadättän tış xällärdä yärdäm itüçe yuq. Şähärlärdä problema yuq, läkin yıraq rayonnardağı tawlarda asqorma citärlek tügel. Turistlar yuğalğanda yäki ülgän oçraqta däwlätkä alarnı êzläw bik qıyın, çönki alar yıraq yullarnı qullanalar” dip belderde.
Tawlarğa yalğız menüne tıyu 1 nçe aprel’dän üz köçenä kerä.
Nepal bäla-qazalar sanın kimetü öçen 2018 nçe yılda Êverest tawına yalğız menüne tıyğan ide.
8 meñ 848 metr biyeklektäge Êverestta 1920 nçe yıldan birle 200 dän artıq keşeneñ ğomere özelgän.
