NATO: “Daimi urtaq mexanizmnıñ ozın waqıtlı buluı öçen kileşelde”

NATOdan yasalğan belderüdä: "Türkiyä, Finlyandiya häm Şveśiya Daimi urtaq mexanizmnıñ ozın möddätle qıymmäte turında kileştelär, bu formatta xezmättäşlekne däwam itterü häm Vil’nyus sammitı aldınnan qabat oçraşu mäs’äläsendä urtaq fikergä kilde,” – dip äytelde.

Finlyandiya tışqı êşlär ministrlığınıñ yazmaça belderüendä isä: "İllär Daimi urtaq mexanizmnıñ çirattağı cıyılışınıñ yaz köne ütkärelüe häm şuşı xezmättäşlekneñ Finlyandiya häm Şveśiyanıñ NATO äğ’zalek barışı tämamlanğannan soñ da däwam itterelüe mäs’äläsendä kileştelär,” – dip äytelde.

İlbaşı idaräse süzçese İbrahim Qalın da Finlyandiya häm Şveśiyanıñ NATO äğ’zase bula aluları öçen iminlek borçılularınıñ beterelüenä qağılışlı adım yasaluınıñ zarurlığın belderde.

İbrahim Qalın Türkiyä-Şveśiya (Швеция)-Finlyandiya arasındağı öç yaqlı memorandum qısalarında tözelgän “Daimi urtaq mexanizm” cıyılışı ütkärelgän Bel’giya başqalası Bryussel’dä belderü yasadı.

Süzçe Qalın Türkiyä-Şveśiya-Finlyandiya daimi urtaq mexanizmı cıyılışınıñ ğomumi bularaq uñay atmosferada uzuın belderde.

Qalın Şveśiya häm Finlyandiyanıñ NATO barışı belän bäyle "İminlek borçılularınıñ beterelüenä qağılışlı adım yasalırğa tiyış,” – dip äytte.

Qalın Şveśiya häm Finlyandiyanıñ NATO barışınıñ bergäme, ayırımı baraçağı mäs’äläsendäge tizlek, masştab häm ğomumi qısanıñ bu illärneñ yasayaçaq adımnarına bäyle buluın iskärtep uzdı.

İbrahim Qalın Finlyandiya häm Şveśiyanıñ NATO äğ’zalege mäs’äläsendä Türkiyägä bäyle teläsä qaysı totqarlıqlarnıñ häm çitkä yünältülärneñ bulmawına basım yasadı.2022nçe yılnıñ 24nçe fevral’ könne Rusiyäneñ Ukrainada suğış başlatuınnan soñ Şveśiya häm Finlyandiya, yıllar buyı alıp barğan tarafsızlıq (neytralitet) säyäsäten kire qağıp, NATOğa quşılu öçen möräcäğät itkännär ide.

Türkiyä 28nçe iyün’dä İspaniya başqalası Madridtağı NATO sammitında äğ’zalek möräcäğäten yasağan Finlyandiya belän Şveśiyanı veto itä. Terror oyışmaların açıqtan-açıq yaqlawçı ike il belän protokol imzalağan Änkara birelgän süzlärneñ ütälüen kötä.