Möhacir lagerında yanğın
Bangladeşta möhacir lagerında çıqqan yanğın 12 meñ keşene tübäsez qaldırdı
Bangladeşnıñ Koks Bazar töbägendä arakanlı möselmannar yäşi torğan möhacir lagerında çıqqan yanğında 2 meñ çatır yandı, 12 meñ keşe toru urınsız qaldı.
Lagerdağı ictimağıy tärtip öçen cawaplı wäqalätlelär yanğınnıñ kontrol’ astına alınuın häm ülem-kitem bulmawın belderde. Alar BMO möhacirlär yuğarı komissariatı häm Bötendön’ya azıq-tölek programmasın da kertep törle yärdäm oyışmalarınıñ älege xäldän çığu öçen bulışuın citkerde. Yanğınnan zıyan kürgän arakanlı möselmannar törle lager’larğa urnaştırılaçaq.
Utnıñ rizıq peşerü öçen qullanıla torğan ballonnardan çıqqan buluın farazlıylar. Bangladeştağı möhacir lager’larında monnan alda da yanğınnar çıqqan ide.
2021nçe yılnıñ martında bulğan yanğında 10 meñnän artıq çatır yandı häm 15 keşeneñ ğomere özelde. Uzğan yıl ğıynvarda çıqqanında isä barı urnaşu urınnarı zıyan kürde.
