Finlyandiya parlamentı NATO ölgesen rasladı
Finlyandiya parlamentı ileneñ NATOğa äğ’za buluına röxsät birüçe qanun ölgesen qabul itte
1953439
Finlyandiyanıñ YLE xäbär agentlığı citkergänçä, parlament Finlyandiyanıñ NATO äğ’zalegen cidegä qarşı 184 tawış belän xupladı.
“Sul İttifaq”nıñ 6 wäkile häm “Köç xalıqnıqı” partiyasınnan Ano Turtiainen NATO äğ’zalegenä qarşı tawış qullandı.
Finlyandiyanıñ NATO äğ’zalege Türkiyä häm Vengriya (Macarstan) raslağan oçraqta tormışqa aşaçaq.
Xäzerge waqıtta 28 NATO ile Finlyandiya belän Şveśiyanıñ NATO äğ’zalegen qabul itte.
Türkiyä 28nçe iyün’dä İspaniya başqalası Madridtağı NATO sammitında äğ’zalek öçen möräcäğät itkän Finlyandiya belän Şveśiyanı veto itä. Terror oyışmaların açıqtan-açıq yaqlawçı ike il belän protokol imzalağan Änkara birelgän süzlärneñ ütälüen kötä.
