Gebreisus Türkiyädäge cirteträwlär häm Ukraina suğışı turında söyläde
Bötendönya sälamätlek saqlaw oyışması general’ direktorı Tedros Adanom Gebreisus 6nçı fevral’däge Kahramanmaraş êpiśentrlı cirteträwlärdän soñ Türkiyädäge häm Süriyädäge êzläw-qotqaru êşçänlegendä axırına yaqınlaşuın belderde
Gebreisus atnalıq matbuğat oçraşuında, 20nçe fevral’dä Türkiyädä tağın ike zilziläneñ buluın xäterlätep, bolarnıñ töbäkkä qayğı kiterüen äytte.
Yaña cirteträwlärneñ 6nçı fevral’däge zilzilälärdän tağın da kimräk köçtä buluına iğ’tibarnı yünältüçe Gebreisus moña qaramastan ülemnärgä häm yaralanularğa säbäp buluın iskärtep uzdı.
Gebreisus: "(Türkiyä êpiśentrlı cirteträwlärdä) häläq buluçılarnıñ sanı xäzerge waqıtta (Süriyädägelär belän bergä) 47 meñnän arttı häm 125 meñ keşe yaralandı. Türkiyädä kim digändä 15 xastaxanä zıyan kürde häm küp sanda sälamätlek saqlaw urınnarına täêsir itelde. Süriyädä isä 145 sälamätlek saqlaw urını zarar kürde. Cirteträwlärdän 26 million keşe täêsirlände. Bötendönya sälamätlek saqlaw oyışması här ike ildä dä aşığıç sälamätlek saqlaw êşçänlegenä bulışlıq itü öçen 84 million yarım dollar külämendä aşığıç yärdäm çaqıruın başlattı," – dip äytte.
Şul uq waqıtta Rusiyäneñ Ukrainanı basıp aluına ber yıl tuluın xäterlätüçe Gebreisus Rusiyä-Ukraina suğışınıñ sälamätlek saqlaw cähätennän cimergeç näticäläre buluına basım yasadı.
Ğomum direktör: "Bäreleşlär başlanğannan birle Bötendönya sälamätlek saqlaw oyışması sälamätlek saqlaw xezmätlärenä qarşı 802 höcümne rasladı. Bu höcümnär 101 sälamätlek saqlawçınıñ häm xastanıñ üleme belän tögällände,” – dip belderde.
Gebreisus:
"Bötendönya sälamätlek saqlaw oyışması Ukrainadağı urtaqları belän tığız xezmättäşlek itä häm sälamätlek saqlaw xezmäten kürsätkän keşe sanı 8 million 400 meñgä citte. Bötendönya sälamätlek saqlaw oyışması suğış başlanğannan birle Ukrainağa aşığıç yärdäm maşinaları, generatorlar, xronik awırular öçen darular, travma häm aşığıç xirurgik äyberlär belän bergä cämğıse yaqınça 3 meñ tonna mediśina materialların citkerde. Bötendönya sälamätlek saqlaw oyışması êşçänlegebezgä bulışlıq itü, Ukrainadağı häm qaçaqlarnı qabul itkän illärdäge 11 million 400 meñ keşegä ireşü öçen 240 million dollar külämendä yärdäm çaqıruın yasadı,” – dip äytte.
Bötendönya sälamätlek saqlaw oyışması citäkçese yaña tör koronavirus (Kovid 19) kizüe belän bäyle bularaq isä:
"Dön’ya ğomum bularaq öç yıl äwwälgesenä qarağanda tağın da yaxşıraq wazğıyättä bulsa da bu virus iğ’tibarsız qaldırılmasqa tiyış," - diyıp, tağın da kübräk saqlıy alğan häm yoğunı kimetä alğan vakśinalarnı qamilläşterü öçen tikşerenülärgä kapital salunıñ möhimlegenä işarät itte.
