Süriyä lager'laren su basqan

Süriyäneñ tön’yaq-könbatışındağı İdlib vilayätendä yortsız qalğan tınıç xalıq sıyınğan qayber lager’larne köçle yawım-töşem arqasında su bastı.

İdlibtä tınıç xalıq Beşar Esad rejimı häm tarafdarlarınıñ höcümnärennän qaçıp, yäşägän lager’larendä töne buyı yawğan yañğır arqasında su basu barlıqqa kilde.

Süriyäneñ Aşığıç yärdäm koordinatorlığı mödire Möxämmäd Hallaj beldergänçä 63 lager’ne su bastı, meñnärçä keşe yäşägän çatırlar su astında qaldı.

Su basu näticäsendä çatırlardağı äyberlärneñ qullanılmas xälgä kilüen äytkän Hallaj: “İdlibtä gumanitar yärdäm êşçänleklären alıp baruçı oyışmalarnıñ yortsız qalğan xalıqqa qarata êşçänleklären arttıruı kiräk,” – dide.

Mödir citkergänçä gumanitar krizis könnän-kön üsä bara, barlıqqa kilgän zararnı beterü öçen tiz çişeleş zarur.