Oçqıçnıñ qara ärcäse tabıldı

Nepalda kiçä kilep töşkän oçqıçnıñ qara ärcäse tabıldı.

Wäqalätlelär 4 êkipaj äğ’zası belän bergä 72 keşene utırtqan ike motorlı ATR 72 törendäge oçqıçnıñ qara ärcäseneñ häm borttağı tawışlarnı yazdıruçı cihaznıñ yaxşı xäldä buluın belderde. 

Oçqıçnıñ naçar hawa şartları arqasında hälakätkä yulığuı uylanıla. Ul töşkän urında älegä qadär 68 keşeneñ mäyete tabıldı.

Pokxara poliśiyäse yäkşämbe könne qarañğı töşkännän soñ tuqtatılğan êzläw-qotqaru êşçänlegeneñ qabat başlanuın citkerde.

Başqala Katmandudan Pokxarağa barğanda kilep töşkän oçqıçta 57 Nepal, 5 Hindstan, 4 Rusiyä, 2 Kön’yaq Koreya watandaşı häm Argentina, İrlandiyä, Avstraliyä belän Franśiyädän berär keşe bula.