Qıtaydan kilüçelärgä çikläw
Qayber illär, koronavirus oçraqları artqaç, Qıtay yulçıları öçen çikläwlär kertte
Kanada federal’ xökümäte Qıtay, Gonkong häm Makaodan hawa yulı belän kilüçelärdän qabat koronavirus testı sorıy başlayaçaqların belderde. İlneñ sälamätlek saqlaw ministrlığı bu xaqta räsmi internet säxifäsendä yazdı. Anda äytelgänçä, Qıtay, Gonkong häm Makaodan kütärelgän reyslar belän Kanadağa kiläçäk 2 yäş’tän zurraq yulçılar oçqıçqa utırğançı negativ Kovid-19 testı nätşcäsen kürsätergä tiyeş. Belderüdä bu kisätü çarasınıñ 5nçe ğıynvardan ğamäldä bulacağı citkerelä. Älege qararnı çığaruğa äytep ütelgän regionnarda soñğı waqıtta virus yoqtıru oçraqlarınıñ artuı säbäpçe bula.
Test oçıştan iñ kübe 2 kön êlek yasalırğa häm näticäse negativ bulırğa tiyeş.
Marokko idaräse dä Kovid-19 oçraqlarında artu arqasında 3nçe ğıynvardan başlap Qıtaydan kilüçe barlıq yulçılarnıñ ilgä kerüen çikläde.
Koronavirus kürelgän berençe urın bulğan Qıtayda, 3 yıl ütügä qaramastan, virus qabat yoğıntılı bula başladı.
