2022 - Angliyaneñ iñ êsse yılı

2022 yıl Angliyaneñ iñ êsse yılı bularaq terkäläçäk.

Angliyaneñ Milli meteorologiya xezmäte Met Office 2022neñ il öçen terkälgän iñ êsse yıl bulaçağın belderde.

Met Office internet säxifäsendä 2022 yıl belän bäyle waqıtlıça mäğlümatlarnı açıqlap, ildä 139 yıllıq urtaça cılılıq rekordınıñ quyıluın häm 2022neñ il öçen terkälgän iñ êsse yıl bulaçağın belderde.

Angliyada 2022neñ 2014täge urtaça 9,88 däräcälek rekordnı uzuı kötelä. 2022 yıl Angliyaneñ urta töbägendä 364 yılnıñ iñ êssese buldı.

İldä cäyen berençe tapqır 40 gradustan artqan êsseleklär tormışnı tuqtattı diyärlek.

40,3 gradus belän iñ yuğarı êsselek küzätelgän Koningsbi häm Linkol’nşayr aldağı Angliya rekordın 1,6 däräcägä uzdı.  

Met Office iyul’ ayındağı artıq êsselär arqasında berençe qızıl töstäge kisätüen açıqladı.  

Şulay uq Uêl’sta 37,1 däräcä belän maksimum êsselek rekordı terkälde, Şotlandiya 34,8 däräcälek yaña rekord quydı.

Rekord quyğan êsselär belän ber rättän 2022 yıl öçen iñ iğtibar cälep itüçe närsälärdän berse dä qorılıq buldı.

Ğıynwar başındağı häm fevral’ azağındağı qısqa waqıtlardan tış Angliyada tuplam yawım-töşem urtaçanıñ astında ide.

2022 öçen soñğı sannar yıl azağında açıqlanaçaq.