"Bügen barrikadalar alına"

Serbiya däwlät başlığı Aleksandr Vuçiç soñğı waqıtta Kosovo belän barlıqqa kilgän kiyerenkelekneñ säbäbe bulğan barrikadalarnıñ bügen alınaçağın citkerde.

Serbiyaneñ Kosovo çige yanındağı Raşka kazarmasında Kosovolı serblar belän küreşep söyläşkän Vuçiç söyläşüdän soñ açıqlaw yasadı.

Bik awır tön häm söyläşü buluın açıqlağan Serbiya liderı: “Kosovolı serblardan barrikadalarnıñ alınuın soradım. Tınıçlıq häm xozurnıñ däwam itüen telädem. Härkemne tıñladım. Birelgän süzlärneñ cirenä citkereläçägenä ışanam,” – dide.

Vuçiç Kosovolı serblar arasında qurqınıçsızlıq xis-toyğısınıñ däwam itüen belderep: “Pänceşämbe könne töşkä qadär barrikadalar alınaçaq. Bu 2 sägät’ êçendä betäçäk êş tügel. Bälki 24, bälki dä 48 sägät’ bara ala läkin alar alınaçaq,” – dide.

Kosovolı serblarnıñ barrikadalar alınğannan soñ qulğa alınuı ixtimalına tuqtalğan Serbiya däwlät başlığı: “Mondıy oçraqta barrikadalarnı başqa almaw şartı belän qoraçaqların belderdelär,” – dide.