Kön’yaq Koreya Tön’yaqqa kisätüçe ut açqan

Kön’yaq Koreya Tön’yaq Koreyanıñ keşesez hawa apparatlarınıñ hawa kiñlegenä kerüennän soñ armiyanıñ kisätüçe ut açuın häm xärbi oçqıçlarnıñ xäräkät itüen belderde.

Kön’yaq Koreya saqlanu ministrlığı Tön’yaq Koreyağa bäyle berniçä keşesez hawa apparatınıñ, çik buyın bozıp, ilneñ hawa kiñlegendä bilgelänelüen citkerde.

Ministrlıq Kön’yaq Koreya ğaskäreneñ xärbi oçqıçların häm höcüm boralaqların Tön’yaq Koreyanıñ keşesez hawa apparatların bärep töşerü öçen oçırtqançı başta kisätülärneñ citkerelüen häm kisätüçe utlarnıñ yasaluın iskärtep uzdı.

Keşesez hawa apparatları bärep töşereldeme, yuqmı, bu turıda äytelmäde.

Yaponiya xökümäte häm Kön’yaq Koreya ğomum ştab räislege 23nçe dekabr’dä Tön’yaq Koreyanıñ ballistik raketa sınawların ütkärüen beldergän ide.