Xorvatiya parlamentı ildä Ukraina ğaskärlären uqıtu-öyrätü täq’dimen qabul itmägän
Qayber xalıq ışanıçlıları täq'dimne kire qaqqan
Xorvatiya parlamentı ildä Ukraina ğaskärlären uqıtu-öyrätü täq’dimen raslamağan.
Parlament Awrupa Berlegeneñ xärbi yärdäm missiyäse (EUMAM Ukraina) qısalarında Ukraina xärbilären uqıtu täq’dimen qabul itmägän.
Ozaq waqıt bäxäs tudırğan il territoriyäsendä 100 tiräse Ukraina soldatın äzerläw täq’dimen kire qaqqan qayber xalıq ışanıçlıları bu qararnı xökümät häm ilbaşı urtaq qabul itärgä tiyeş dip sanıy, yuğisä bu Töp Qanuğa qarşı bulır ide dilär alar.
Qarar qabul itü öçen 101 tawış kiräk bulğan parlamenttağı utırışta 97 xalıq ışanıçlısı üz ilendä Ukraina xärbilären äzerläwne xuplıy, 10 deputat isä aña qarşı tawış birä.
Xorvatiya prem’yer - ministrı Andrey Plenkoviç Ukraina ğaskärlären ildä uqıtu-öyrätüne xuplasa da, ilbaşı Zoran Milanoviç mondıy adımnı ”kiräksez” ilne suğışqa cälep itäçägen belderä.
