G-7 liderları häm NATO Rusiyäneñ Ukrainağa raketa höcümnären ğayepläde
“Bez Rusiya tarafınnan sişämbe könne Ukraina şähärlärenä häm tınıç xalıq asqormasına yasalğan varvarlarça raketa höcümnären ğayeplibez” diyelä urtaq belderüdä
Amerika Quşma Ştatları, Angliya, Kanada, Franśiya,Germaniya, İtaliya, Yaponiya, Niderland, İspaniya liderları belän Awrupa Berlege şurası başlığı Şarl’ Mişel’, Awrupa Berlege komissiyäse başlığı Ursula fon der Lyayen İndoneziyäneñ Bali utawında uzğan G-20 sammitı qısalarında oçraştı.
Oçraşudan soñ G-7 liderları häm NATO isemennän yasalğan belderüdä “Bez Rusiya tarafınnan sişämbe könne Ukraina şähärlärenä häm tınıç xalıq asqormasına yasalğan varvarlarça raketa höcümnären ğayeplibez” diyelde.
Belderüdä äytelgänçä, liderlar şulay uq Ukraina belän Pol’şa çige yanında bulğan şartlaw turında da söyläşkännär häm Pol’şağa bu mäs’äläne tikşerüdä yärdäm täq’dim itkannär. Tikşerü däwam itkändä Pol’şa belän tığız êlemtädä toraçaqlar.
G-7 illäre häm NATOnıñ urtaq belderüendä Ukrainağa yärdämneñ däwam itäçäge dä assızıqlana.
