Bangladeşta tropik dawıl keşe ğomerlären özde

Bangladeşta soñğı könnärdä xakimlek itkän tropik dawıl Sitrang arqasında 13 keşeneñ ğomere özelde. Yar buyına yaqın yäşäwçe yözlärçä meñ keşegä qarata êvakuaśiyä qararı çığarıldı. Çiktän tış küp yawım-töşem qayber töbäklärdä su basularğa kiterde.

Bangladeş meteorologiyä idaräse dawılnıñ tizlege qayber urınnarda säğatenä 88 çaqrımğa citüen belderde.

Cirle matbuğattağı xäbärlärgä qarağanda, köçle cil toraq punktlarda ağaçlarnı töbe-tamırı belän qubarğan häm yullar xäräkät öçen yabılğan. Wäqalätlelär il külämendä 3 aêroportnıñ waqıtlıça xezmät kürsätmäwen, yılğa transportınıñ êşlämäwen xäbär itä. Balıqçılarğa isä diñgezgä çıqmasqa kiñäş itälär.

160 million keşe yäşi torğan Bangladeşta geografik üzençälekläre arqasında su basu häm dawıl şikelle tabiğıy afätlär yış bula.