Tağın ber asteroid Cirgä taba oça

Diametrı yaqınça yartı çaqrım bulğan ber asteroid Cirgä taba kilä.

Rusiyäneñ Kel’dış isemendäge ğamäli matematika institutı ğalimnäre bu xaqta sośial’ mediada belderü yasadı. “1nçe oktyabr’ tönendä Rusiyäneñ kön’yağındağı ike observatoriya Cirgä yaqınlaşuçı yaña asteroid 2022 SE37 açışın rasladı” diyelä anda. Belderüdä älege ğaläm cisemeneñ yanaw tudırmawına iğ’tibar cälep itelä.

TASS agentlığına interv’yusında astronom Yuriy Balega bolay di: “Bu Cir tiräsendä xäzerge waqıtta açıqlanğan 30 meñ asteroidtan berse. Planetabızdan millionnarça kilometr yıraqta oça häm Cir öçen yanaw tudırmıy”.