Rusiyä turistlarına çikläwlär
Şengen vizasına iyä Rusiyä turistlarınıñ Êstoniyağa, Latviyağa, Litvağa häm Pol’şağa kerüe 19nçı sentyabr’dän soñ çikländereläçäk
Êstoniyanıñ “ERR” matbuğat organı xäbär itüençä, Êstoniya Baş ministrı Kaya Kallas oyıştırğan matbuğat oçraşuında: "Latviya, Litva häm Pol’şa belän bergä turizm maqsatlı säyäxät itärgä teläwçe Rusiyä watandaşlarınıñ kerüenä möhim däräcädä kvota bilgelärgä telibez”, - dip äytte.
Kallas yök maşinaları yörtüçeläre, diplomatlar häm humanitar säbäplär belän säyäxät itüçelär belän ber rättän Rusiyä watandaşlarınıñ kerüenä iminlek säbäbe belän 19nçı sentyabr’dän soñ çikläwlärneñ kitereläçägen iskärtep uzdı.
Êstoniya tışqı êşlär ministrı Urmas Reinsalu da, Rusiyä watandaşlarına Êstoniyağa kitmäskä kiñäş itep: "Sezne biredä xuş itep qarşılamıylar”, - dide.
Êçke êşlär ministrı Lauri Laanemets, 19nçı sentyabr’gä işaräläp, ul könnän başlap Şengen vizası bulğan Rusiyä watandaşlarınıñ turizm, sport yäki mädäniyät maqsatı belän Êstoniyağa kerä almayaçağın belderde.
Ministrlıq şuşı qarar belän här kön kitkän 400-500 Rusiyäle sanınıñ 100gä azayaçağın farazlıy.
Êstoniya Baş ministrı Kaya Kallas monnan alda “Twitter”dan yasağan belderüendä: "Awrupağa baru keşe xoquqı tügel, östenlekter”, - dip äytkän ide.
