Awrupa Berlege kiñäyügä äzer bulsın

Germaniyä xökümäte räise Olaf Şol’ś Awrupa Berlegeneñ kiñäyügä äzerlänüe kiräklegen äytte. Ul nemeś xäbär agentlığına interv’yusında berlekneñ 24nçe fevral’dä başlanğan suğış barışında Ukrainağa bergä häm nıqlı räweştä yärdäm itüen, monıñ şulay däwam itäçägen belderde.

Şol’ś Ukrainağa Awrupa Berlegenä kerü öçen namzät statusı birü belän bäyle sorawğa cawabında berlekkä bara torğan yulnıñ ciñel tügellegen, anıñ öçen här namzätneñ bik küp şartnı ütäwe kiräklegen söyläde. Kanśler, şulay uq, Awrupa Berlegeneñ kandidatlarğa alğa kiteş buluına konkret dälillär kiterergä tiyeşlegen dä iskärtte.  “Yuqsa, namzät statusınıñ bernigä dä kitermäwe xise barlıqqa kiläçäk. Könbatış Balkannardağı däwlätlärgä citdi buluıbıznı kürsätergä kiräk. Albaniyä häm Tön’yaq Makedoniyä Awrupa Berlegenä kerü söyläşülären başlaw öçen barlıq şartlarnı cirenä citkerä. Bu söyläşülär xäzer başlanırğa tiyeş,”-dide Olaf Şol’ś.

Kanśler Awrupa Berlegeneñ üzen yañartırğa tiyeşlegen äytä. Anıñça, kiñäyü öçen qarar çığaru prośessların zamançalaştıru möhim.

Şol’ś dön’yadağı azıq-tölşek krizisına qarata da bu mäs’älädä global’ teläktäşlekkä ixtiyac barlığın belderde. Ul BMO ğomum särqatibeneñ Ukraina aşlığın çığaru maqsatınnan êksport koridorların açu öçen tırışuın yaqlawların äytte.