Oçqıç töşkän urında 21 üle gäwdä tabıldı

Nepalda yäkşämbe könne tawlı cirlekkä kilep töşkän oçqıç hälakäte urınında 21 keşeneñ üle gäwdäse tabıldı. Anda barlığı 22 keşe buluı bilgele.

Kurort şähäre Pokxaradan kütärelgän oçqıç belän beraz waqıt uzuğa êlemtä özelä. Anıñ 14 meñ 500 fut biyeklektä oçqanda tawğa bärelüe açıqlandı.

Grajdanlı aviaśiya idaräse wäkile Deo Çandra Lal Karn oçqıçta 3 keşelek êkipaj häm 19 yulçı buluın belderde. Nepal êçke êşlär ministrlığınnan alarnıñ berseneñ dä isän qalmawın citkerdelär.

Waqıyğa urınında êzläw êşçänlege däwam itä. Anı naçar hawa şartları arqasında tuqtatıp torğalarğa turı kilä.