Planetalar irtägä ber sızıqqa tezelä

Qoyaş sisteması planetaları irtägä ber sızıqqa tezeläçäk. Älege siräk küreneşne Tön’yaq yarımşarda küzätergä mömkin.

Tigezlänü 17nçe aprel’ tiräsendä formalaşa başladı, tik ul tulısınça irtägä irtänge säğat’lärdä genä kürenäçäk. Älege waqıyğağa şahit bulu öçen tañ atar aldınnan kük yözen küzätü kiräk.

23nçe aprel’ tiräsendä Cirneñ iyärçene Ay da tigezlänügä quşılaçaq.

24nçe iyün’dä isä Qoyaş sistemasınıñ başqa barlıq planetaları (Merkuriy, Venera, Mars, Yupiter, Saturn, Neptun häm Uran) tağın da zurraq tigezlänüdä qatnaşaçaq. Tik monı küzätü öçen binokl’ yäisä teleskop kiräk bulaçaq.

Planetalarnıñ yalan küz belän kürü mömkin bulğan tigezlänüläre bik siräk bula. 2005nçe yıldan birle ul barı 3 tapqır küzätelde.