Şaxtada 13 mäyet tabıldı

Kolumbiyädä kiçä ber şaxtada bulğan şartlaw waqıtında êçtä qalğan 15 êşçeneñ 13eneñ mäyete tabıldı. Bu xaqta ilneñ şaxtaçılıq agentlığı citkerde.

Waqıyğa urınında êzläw-qotqaru êşläre däwam itä. Äle haman yuqqa çıqqan sanaluçı ike şaxtaçını tabu öçen tırışalar.

Hälakät Boyaka töbäge Soça şähärçege yanında qanunsız êşläwçe altın şaxtasında bula. Mina şartlaw arqasında êşçelär çığa almıyça qala. Waqıyğanı tikşerü êşe bara.   

Kolumbiyädä qanunsız räweştä qazılma baylıqlar êzläw waqıtında qurqınıçsızlıq çaraları ütälmäwe häm kontrol’ bulmawı arqasında ülem belän tögällänüçe hälakätlär yış oçrıy torğan küreneş.

2010nçı yılda kümer şaxtasında bulğan şartlawda 73 keşeneñ ülüe “il tarixındağı iñ faciğale qaza” bularaq terkälde.