Boz belän ağıp kitkän keşelär qotqarıldı
AQŞta 18 keşe qupqan boz kisäge östendä qalğan ide
1774876
AQŞnıñ Ogayo ştatındağı Êri külendä qupqan boz kisäge belän ağıp kitkän 18 keşe qotqarıldı.
Yar buyı iminlege wäqalätleläre äytüençä, Katoba utrawı tiräsendä boz östendä motorlı çana qullanğannar. Şul waqıtta zur boz kisäge qubıp cirdän yıraqlaşa başlıy.
Külneñ urtasına taba yözüçe boz kisäge östendä qalğan 7 keşene yar buyı iminlege boralağı aldı, 11 keşene isä boz häm su östendä xäräkät itüçe hawa katerı belän qotqardılar.
Säğat’lär buyı boz kisäge östendä torğan keşelärneñ sälamätlekläreneñ yaxşı buluı belderelde. Wäqalätlelär watandaşlarnı Êri külendäge bozğa yaqınlaşmasqa çaqırdı.
Yar buyı iminlege xezmätkärläre uzğan atnada da şul uq küldä qupqan boz kisäge östendä qalğan 7 keşene qotqarğan ide.
