Suqbay planetalar

Awrupa Kön’yaq observatoriyäse Kiyek Qaz yulı galaktikasında orbitası bulmağan kimendä 70 planetanıñ barlığın açıqladı. “Suqbay” dip ataluçı bu kük cisemnäre belän bäyle tikşerenüdä teleskoplar terkägän distälägän meñ fotosurät centekläp analizlandı. Näticädä Kiyek Qaz yulında 170 planeta bula aluı bilgelände.

Fotolarnı tikşergännän soñ, planetalarnıñ kimendä 70eneñ suqbay buluı, yäğ’ni orbitası yuqlığı kürende.

Cir belän yoldız arasına kerüçe planeta älege yoldıznıñ nurların kirtäläp qarañğılıq barlıqqa kiterä. Bu älege tirädä planeta barlığın kürsätä.

Suqbay cisemnär ber yoldız orbitasında bulmawları arqasında alarnı küzätü awırlaşa. Bu tikşerenüdä planetalarnıñ barlıqqa kilüe waqıtınnan xäzergä qadär taratuçı belener-belenmäs radiaśiyä êzlärenä iğ’tibar yünälttelär. Kük yözeneñ kiñ mäydanında millionnarça çığanaqnıñ keçkenä xäräkätläre, töskäre häm yaqtılıqları ülçände. Bu ülçäwlär andağı iñ zäğıyf’ cisemnär – “suqbay” planetalarnıñ bilgelänüenä kiterde.