Angliyädä iñ populyar isem - Möxämmät

Möxämmät Angliyädä yaña tuğan ir balalar arasında iñ populyar isem bulıp qaluın däwam itä. Ber media şirkäte urtaqlaşqan mäğ’lümatlarğa qarağanda, bu tendenśiyä inde 5nçe yıl üzgärmi. Uzğan yıl yaña tuğan ir-at bäbilärgä quşılğan iñ populyar 100 isem arasında Ğomär, Abdul şikelle möselman atları da bar.

Qız balalar isemlegendä isä Oliviya berençe urında. Möselman isemnärenä kilgändä, Böyekbritaniyädä Fatıyma häm Nur populyar.

Şul uq waqıtta, koronavirus säbäple bilgesezlek çorı kiçergän ata-analar yaña tuğan qızlarına Avrora şikelle şäfaq’ yäisä yaña başlanğıç mäğ’näsendäge isemnärgä östenlek birgän.

Netfliks, Disney serialları häm fil’mnarınıñ yoğıntısı belän 100 populyar isem arasında Luka, Penelopa häm Meyv urın aldı. Tokio Olimpiya uyınnarınnan soñ bäbäylärgä Djek, Djeyson häm Lyuk kebek uñış qazanğan sportçılarnıñ isemnäre dä birelde.